Talaingod – Karong adlawa, Abril 21, 2026, malampusong gipahigayon ang Regional Audit sa Healthy Workplace dinhi sa Rural Health Unit (RHU) – Talaingod, diin mitambong ang mga personnel gikan sa Department of Health (DOH) Regional Office and PHO-Davao del Norte, aron mag-validate ug magsusi sa implementasyon sa maong programa sa atong lungsod.
Ang maong audit kabahin sa padayon nga paningkamot sa gobyerno aron masiguro nga ang mga opisina ug lugar sa trabahoan adunay himsog, luwas, ug suportadong palibot alang sa tanang empleyado. Ang Healthy Workplace usa ka importante nga inisyatibo nga nagtutok sa pagpalambo sa pisikal, mental, ug sosyal nga kahimtang sa mga trabahante. Pinaagi niini, mas mapalambo ang kahimsog sa mga empleyado, mapakunhod ang stress ug sakit, ug mapataas ang kalidad sa serbisyo nga ilang mahatag sa katawhan.
Atol sa maong kalihukan, aktibong nagpakita sa ilang suporta ug partisipasyon ang mga representante sa Lokal nga Pangagamhanan sa Talaingod, lakip sila:
𝐇𝐑 𝐇𝐞𝐚𝐝, Maam Eileen Solis-Tud, MPA
𝐌𝐮𝐧𝐢𝐜𝐢𝐩𝐚𝐥 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞𝐫, Dr. Ricar P. Apas
𝐌𝐇𝐎 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐨𝐧 𝐅𝐨𝐜𝐚𝐥, Maam Jaidee J. Sanico, RM
𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐌𝐞𝐦𝐛𝐞𝐫 (𝐂𝐨𝐦𝐦𝐢𝐭𝐭𝐞𝐞 𝐨𝐧 𝐇𝐞𝐚𝐥𝐭𝐡),Hon. Lovely Brexel Santander-Delos Reyes
𝐌𝐇𝐎/𝐌𝐀𝐃𝐀𝐂 𝐒𝐭𝐚𝐟𝐟,Marianne D. Bog-ot
𝐓𝐚𝐥𝐚𝐢𝐧𝐠𝐨𝐝 𝐇𝐞𝐚𝐥𝐭𝐡𝐲 𝐖𝐨𝐫𝐤𝐩𝐥𝐚𝐜𝐞 𝐅𝐨𝐜𝐚𝐥, Sir Roderick T. Olivar
Ang ilang presensya nagpakita sa lig-on nga panaghiusa sa LGU ug sa health sector sa pagpalambo sa usa ka himsog nga komunidad ug lugar sa trabahoan.

Gipasiugda usab sa audit nga ang pagpatuman sa Healthy Workplace dili lamang alang sa kaayohan sa mga empleyado, kondili alang usab sa tibuok katawhan sa Talaingod. Kung himsog ang mga trabahante, mas episyente ang serbisyo, ug mas lig-on ang komunidad.
Dako usab ang pasalamat sa Lokal nga Pangagamhanan sa Talaingod kang Mayor Jonnie A. Libayao tungod sa iyang padayon nga suporta ug pagpasiugda sa mga programa nga nagpalambo sa kahimsog ug kaayohan sa mga empleyado ug sa katawhan.
Sa katapusan, gipadayag sa LGU Talaingod ang ilang padayon nga paningkamot nga magmalig-on ug magpadayon sa pagpatuman sa mga programa nga magpasiugda sa kahimsog ug kaayohan sa tanang empleyado ug katawhan sa lungsod.
𝐏𝐚𝐝𝐚𝐲𝐨𝐧 𝐧𝐠𝐚 𝐦𝐚𝐠𝐦𝐚𝐥𝐢𝐠-𝐨𝐧 𝐚𝐧𝐠 𝐓𝐚𝐥𝐚𝐢𝐧𝐠𝐨𝐝 𝐚𝐥𝐚𝐧𝐠 𝐬𝐚 𝐮𝐬𝐚 𝐤𝐚 𝐡𝐢𝐦𝐬𝐨𝐠 𝐮𝐠 𝐦𝐚𝐥𝐚𝐦𝐛𝐮𝐨𝐧𝐠 𝐤𝐚𝐮𝐠𝐦𝐚𝐨𝐧
#HealthyWorkplaceAudit #TALAINGOD